Áreas do dereito de Castro² Avogadas

Traballamos polos teus intereses

En Castro² Avogadas somos especialistas en diferentes áreas do dereito, por iso ofrecemos un amplo servizo de asesoramento preventivo, xestión e defensa no dereito penal, laboral, civil e administrativo. Contamos tamén cun servizo de mediación oficial, levado a cabo por expertas rexistradas no Colexio de Avogados da Coruña. Queremos asegurar aos nosos clientes un compromiso de seriedade e profesionalidade: se acodes ás nosas oficinas en Noia e Ribeira, saberás que obteremos para ti resultados eficaces, e estarás informado do avance do proceso en todo momento.

As nosas áreas de traballo

Podes solicitar a nosa axuda tanto para os procesos legais como para un asesoramento completo: traballamos para alcanzar a mellor solución para todas as partes a través da mediación. Seguindo a nosa filosofía, en Castro² Avogadas realizamos unha atención personalizada e discreta coa posibilidade dun servizo presencial nos nosos despachos de Noia e Ribeira, ou en liña a través do noso formulario de contacto. Especializámonos nunha gran gama de servizos para poder axudar aos nosos clientes en todo o posible, garantindo sempre uns resultados exitosos.

Mediación
Penal
Laboral
Estranxeiría
Civil
Administrativo

Coñece as especialidades das nosas avogadas en Noia e Ribeira

Dereito Laboral

Cunha gran experiencia en dereito laboral en Noia e Ribeira, encargámonos de representar tanto a empregadores como traballadores en calquera situación de ámbito laboral: desde contratos de traballo, despedimentos, redución de xornada, ERTE ou inspeccións de traballo, queremos garantir unha relación laboral xusta e uns dereitos que se respecten desde o primeiro momento.

Dereito de estranxeiría

Como especialistas en dereito de estranxeiría, dedicámonos a axudar a todos os nosos clientes para que poidan obter o seu permiso de residencia, solicitude de nacionalidade, reagrupamento familiar ou calquera outro trámite relacionado, cuns resultados exitosos. Comprometémonos a ofrecer un asesoramento e representación legais fiables para protexer os teus dereitos.

Mediación

En Castro² Avogadas somos mediadoras rexistradas no Rexistro de Mediadores do Iltre. Colexio de Avogados da Coruña. Ofrecemos servizos profesionais de mediación extraxudicial e intrajudicial en todos os ámbitos, pero estamos especializadas en mediación familiar e penal.

Dereito Penal

Desde o noso despacho de avogadas en Noia e Ribeira, tamén contamos con servizos de dereito penal, defendendo os dereitos dos nosos clientes en calquera caso que nos presenten, xa sexan delitos leves, casos de violencia de xénero, delitos contra a seguridade viaria ou procedementos penais. Cun asesoramento e representación sólidos, conseguiremos os mellores resultados posibles.

Dereito Civil

Na nosa especialidade de dereito civil, abarcamos diversas áreas: dereito de familia, sucesións e doazóns, dereitos reais, desafiuzamentos... Desde Castro² Avogadas, comprometémonos a resolver calquera conflito civil dun modo eficaz e que resulte satisfactorio para os clientes, cun asesoramento personalizado para elaborar estratexias legais adaptadas.

Dereito Administrativo

Para calquera trámite relacionado coa administración pública, as nosas avogadas contan co mellor asesoramento en dereito administrativo en Noia e Ribeira. Axudarémosche a avanzar polos complexos trámites da administración, protexendo os teus intereses e garantindo un servizo eficaz e sólido en calquera caso que nos presentes

Necesitas asesoramento legal en Noia e Ribeira?

Non dubides en contactar co noso despacho de avogadas en Noia e Ribeira. Desde Castro² Avogadas, cubriremos todas as túas necesidades legais para que contes coa tranquilidade de que os teus dereitos atópanse sempre protexidos. Deixa o teu caso nas mellores mans.

Contactar